स्वप्न परी

राजकुमार महर्जन
जब हुन्छु म तिमीबाट टाढा
लाग्न थाल्दछ बिरानो सारा
लाग्दछ हैनन् यी साथीभाइ मेरा
हौ तिमी मात्र एक सहारा

हिमालयकी छोरी गुराँस झै हँसिली
वसन्तको बर्षात झै छौ रसिली
हे पि्रय मेरी तिमी हौ कादम्बिनी
तिमी नै हौ मेरी कोमल सरोजनी

तिम्रो रुप र लावण्यको वर्णन गरुँ कसरी
म प्रेमी तिम्रो भएको छु आज पागलसरी
सम्हाल हे सुन्दरी तिम्रा ती आँचल
गर्जिरहेछ आकाश त्यो विना बादल

अुखा तिम्रा छन ती बदाम बैजनी
धरतीमा परेको प्रथम रश्मिनी
तिम्रो समीपबाट गुज्रदा रोकिन्छ वायुको गित
तिम्रो सामु झुक्छिन् कामदेवकी रति

तिमी सामु पर्दा भन्न केही नसकी
कति रात बिताए गगनका नक्षत्र गनी
तिमीलाई नसम्झेको छैन कुनै दिन
तिमीलाई पुकारिरहेछ हर धड्कन